الهام علیئو ، قازاخستان جمهورباشقانینا تبریک دئییب
آذربایجان جمهۇروسونون دؤلت باشقانیٚ الهام علیائو آبان-ین 30-دا قازاخیٚستان جمهۇروسونون دؤلت باشقانیٚ قاسیٚم-ژوْمارت توْکاائوه زنگ ائدیب.
“قاراچوخا” خبر وئریر کی،بۇنا ایلگیلی دؤلت باشقانیٚن مطبۇعات خدمتی ایطلاعات یاییٚب.
دؤلت باشچیٚسیٚ قاسیٚم-ژوْمارت توْکایئوی دؤلت باشقان سئچکیلرینده ایناملیٚ غلبه مناسبتیله تبریک ائدیب، اوْنا قازاخیٚستانیٚن گلیشمهسی و فیراوانلیٚغیٚ نامینه دؤلت باشقانلیٚق چالیٚشماسیٚندا، اوْ جملهدن آپاریٚلان اصلاحاتلاریٚن یاشاما کئچیریلمهسی ایشینده یئنی-یئنی اۇغۇرلار و محکم جان ساغلیٚغیٚ آرزۇلاییٚب.
قاسیٚم-ژوْمارت توْکاائو گؤستهریلن دقّته و تبریکه گؤره دؤلت باشقان الهام علیائوه منّتدارلیٚغیٚنیٚ بیلدیریب.
صحبت زامانیٚ قازاخیٚستان دؤلت باشقانیٚنیٚن اؤلکهمیزه سوْن رسمی سفری ایچینده، ائلهجه ده اوْکتیابر آییٚندا آستانادا دؤلت باشچیٚلاریٚ آراسیٚندا کئچیریلمیش گؤرۆشلر ممنۇنلۇقلا خاطرلانیٚب، بۇ گؤرۆشلرده الده ائدیلمیش راضیٚلیٚقلاریٚن اۇغۇرلا اجراء ائدیلدیگی قئید اوْلۇنۇب.
قاسیٚم-ژوْمارت توْکاائو آذربایجان دؤلت باشقانیٚنیٚ اؤلکهسینه رسمی سفره دعوت ائدیب.
دعوت ممنۇنلوقلا قبول اوْلۇنۇب.
تلفوْن دانیٚشماغیٚ زامانیٚ دؤلت باشچیٚلاریٚ اؤلکهلری آراسیٚندا دوْستلۇق و قارداشلیٚق ایلیشکیلرینین بۇندان سوْنرا دا اۇغۇرلا گلیشهجهیینه امینلیکلرینی افاده ائدیب، قارشیٚلیٚقلیٚ ماراق دوْغۇران مسئلهلر اطرافیٚندا فکر دهییشیمی آپاریٚبلار.
برچسب ها :
ناموجود- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
- نظراتی که به غیر از زبان فارسی یا غیر مرتبط با خبر باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : 0