🖤 آجی بیر خبر: تبریزلی وطنداشیمیز لاتون شلالهسینده حیاتینی ایتیردی
🔹 قاراچوخانین وئردیگی خبره گؤره، ۴۳ یاشلی تبریزلی وطنداش “روحالله حبیبی”، آستارادا یئرلشن لاتون شلالهسینده اوجالیقدان ییخیلاراق حیاتینی ایتیریب.
🔹 بو آجی حادثه ۱۴ خرداد ساعات ۱۲:۳۰-دا باش وئریب. هلال احمرین قورتاریجیلاری اوزون و چتین آختاریشلاردان سونرا، ۱۵ خرداد سحر ساعات ۳-ده اونون جسدینی تاپماغی باشاریبلار.
قاراچوخانین ایرنادان آلدیغی خبره گؤره، ۴۳ یاشلی تبریزلی بیر تورست آستارانین لاتون شلالهسینده اوجالیقدان دوشهرک حیاتینی ایتیریب.
وئریلن بیلگیلره گؤره، “روحالله حبیبی” آدلی بو تبریزلی وطنداش ۱۴ خرداد ساعات ۱۲:۳۰-دا بو حادثه ایله اوزلشیب. آستارا هلال احمرینین مدیری بابک حیدرزاده بیلدیریب کی، حادثه یئری داغلیق و یولو چتین اولدوغو اوچون آختاریش عملیاتی آغیر کئچیب.
قورتاریجیلارین ساعاتلارلا سوردوردوگو تلاشلارین نتیجهسینده، نهایت ۱۵ خرداد سحر ساعات ۳-ده متوفینین جانسیز بدنی تاپیلیب و قانونی ایشلرین گؤرولمهسی اوچون آستارانین شهید بهشتی خستهخاناسینا آپاریلیب. حیدرزاده طبیعتسئونلردن داغلیق و خطرلی یئرلرده تهلوکهسیزلیک قایدالارینا جدی شکیلده رعایت ائتمهلرینی ایستهییب.
#تبریز #آستارا #لاتون_شلالهسی #آذربایجان #تبریزلیلر #طبیعت_گردی #قاراچوخا_نیوز
برچسب ها :
ناموجود- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
- نظراتی که به غیر از زبان فارسی یا غیر مرتبط با خبر باشد منتشر نخواهد شد.
ارسال نظر شما
مجموع نظرات : 0 در انتظار بررسی : 0 انتشار یافته : 0