میلیوْنلارلا اۇکراینلیٚ سوْیۇق هاوا ندنیندن ائولرینی ترک ائتمه‌یه‌ مجبۇر اوْلاجاق

“قاراچوخا” خبر وئریر کی،بۇنا ایلگیلی بۇ باره‌ده عمۇم دنیا سلامت سازمانیٚنیٚن آوروْپا بؤلگه‌سل بۆروْسۇنۇن مدیری هانس کلیۆقه کئچیردیگی مطبۇعات کوْنفرانسیٚندا بیلدیریب.

اوْنۇن سؤزلرینه‌ گؤره‌، اۇکراینیٚن هر یئرینده‌ یۆزمینلرله بینانیٚن قاز تجهیزاتیٚ یوْخدۇر. بۇ ندندن اۇکراینلیٚلار نه اینکی یئمک حاضرلایا بیلمیرلر، هم ‌ده ایستیلیکدن محرۇمدۇرلار.

“سوْیۇق هاوا اؤلۆمه‌ سبب اوْلا بیلر. اؤلکه‌نین بعضی بؤلگه‌لرین‌ده – هاوانیٚن حرارت درجه‌سینین 20 درجه‌یه ائنه‌جه‌گی پیش‌بینی اوْلۇنۇر. خانواده‌لر ایسینمه‌یه چالیٚشیٚر، بیر چوْخلاریٚ اوْدۇن یاندیٚرماق و یا گئنئراتوْر کیمی آلتئرناتیو ایسیتمه اصۇللاریٚنا باش وۇرمالیٚ اوْلاجاقلار. بیز گؤزله‌ییریک کی، 2-3 میلیوْن انسان ایستیلیک و امنیّت آختاریٚشیٚ ایله‌ ائولرینی ترک ائده‌جک”، – کلۆقه دئییب.
خبریازار: محمد شکری آستامال