اردوغان: پنجه-قیلینج سادهجه بیر هاوا عملیاتی ایله محدود قالمایاجاق
“بیزیم بو بؤلگهده هر آن بئله شئیلر ائده بیلهجگیمیزی هم سایین بایدن، هم ده سایین پوتین بیلیر”
قاراچوخا-نین تورکییه مئدیاسیندان آلدیغی خبره گؤره، جمهورباشقانی رجب طیب اردوغان عراق و سوریهنین قوزئیینده بؤلوجو ترور هؤرگوتو پکاکا/یپگیه قارشی پنجه-قیلینج هاوا عملیاتینین سادهجه بیر هاوا عملیاتی ایله محدود قالمایاجاغینی بیلدیردی.
جمهورباشقانی اردوغان، قطر سفریندن دؤنرکهن گوندمله باغلی دانیشدی.
عراق و سوریهنین قوزئیینده حیاتا گئچیریلهن “پنجه-قیلینج هاوا عملیاتی” ایله باغلی اردوغان:
“همیشه دئدییم کیمی، ‘بیر گئجه آنیدن گلهبیلریک’ دئیهنده بوش یئره دئمهدیک. چونکو گؤزلهنیلهن، پلانلانان ساعات گلن کیمی بو آددیملار آتیلدی. اصلینده اؤتن گئجه حیاتا گئچیریلهن عملیات دا بونون تام تظاهرو ایدی” دئدی.
پنجه-قیلینج هاوا عملیاتینین سادهجه هاوا عملیاتی ایله محدود قالمایاجاغینی وورغولایان اردوغان:
“ساوونما باخانلیغیمیز، باش قرارگاهیمیز بیرلیکده قرار وئریرلر؛ مصلحتلشهریک، سونرا اونا اویغون آددیملاریمیزی آتیریق” ایفادهسینی ایشلتدی.
بو عملیاتلا باغلی آمریکا جمهورباشقانی جو بایدن و روسیا دؤولت باشقانی ولادیمیر پوتینله هئچ بیر شکیلده دانیشمادیقلارینی وورغولایان اردوغان:
“آنجاق بیزیم بو بؤلگهده هر آن بئله شئیلر ائده بیلهجگیمیزی هم سایین بایدن، هم ده سایین پوتین بیلیر. بو اولایدا دا اولدوغو کیمی، همیشه دئییریک کی، بیر گئجه آنیدن گله بیلریک. بیزلر ایجازه ایله ایشلهمیریک. اگر بیر آددیم آتاجاق اولساق، اونا قرار وئریریک و او آددیمی دا آتیریق. بو قونودا آمریکا آرتیق بیزی بیلمهلیدیر. یقین کی بیلیر. بوندان سونراکی پروسهده بیزیم چوخ داها اؤنملی آددیملاری قرارلی بیر شکیلده نئجه آتاجاغیمیزی و آتمالی اولدوغوموزو دا انشاالله هامیسی گؤرهجکلر” دئدی.
برچسب ها :
ناموجود- نظرات ارسال شده توسط شما، پس از تایید توسط مدیران سایت منتشر خواهد شد.
- نظراتی که حاوی تهمت یا افترا باشد منتشر نخواهد شد.
- نظراتی که به غیر از زبان فارسی یا غیر مرتبط با خبر باشد منتشر نخواهد شد.
ارسال نظر شما
مجموع نظرات : 1 در انتظار بررسی : 1 انتشار یافته : 0